Цæгат Кавказы хæххон металлургон институты райдыдта æппæтадæмон чемпионат æвзарæн къæпхæн

Цæгат Кавказы хæххон металлургон институты студенттæ сæ тыхтæ бафæлвардзысты æппæтадæмон чемпионат "Кейс-ин"-ы инженерты 'хсæн. Уæлдæр ахуыргæнæндоны арæзт æрцыд ерысы æвзарæн къæпхæн: электроэнергетикæ æмæ хæххон хъуыддагæй. Чемпионаты фæлгæты студентты командæтæ хъуамæ баххæст кæной бæлвырд практикон хæслæвæрдтæ. Архайджытæ - дыууын фондз азы онг студенттæ æмæ аспиранттæ. Хуыздæртæ райсдзысты лæвæрттæ, дарддæр сын фадат уыдзæн раззагдæр компаниты стажирæвкæ ацæуынæн, ссардзысты сын куысты бынæттæ дæр. Уымæй уæлдай ма, уæлахиздзаутæн фæуæрæхдæр кæндзысты сæ гæнæнтæ Уæрæсейы уæлдæр ахуыргæнæндæтты магистратурæ æмæ аспирантурæмæ бацæуынæн.