Aida İsayeva - Xosə əvəsor omə

Mp3 Link: https://cloud.mail.ru/public/oZFm/gKwMZkTgn Xosə əvəsor omə Şeir: Bəxtiyar Ruşin İfo: Aida İsayeva Bə qur-qure avǝvu, Çimənon bedən kavu. Kəfşən həmmə ovayze; Ro qətdə - komrə vərze. Peş bedə bə xandǝxon, Şərği handən vəzǝxon! Kırı ekarde vǝxte, Moy, kulmǝ harde vǝxte. Ğırmağ peqətdən əğlon, Şedən bə ru, bə qolon. Votdən tojǝ sor omǝ, Xosə əvǝsor omǝ! Torǝ, ğəzyǝğe pure, Çəvon ləzzət co cure. Şıtni, çoç, kijəpəni; Sonış eqətə həni. Qeşnı, şivit, olıvə, Çınidən boxlǝ livǝ. Qandımǝ hi ve xoşe, Çı Xıdo yolǝ baxşe! Kinon noydən səməni, Eşandedən tımoni; Votdən tojǝ sor omǝ, Xosə əvǝsor omǝ! Kulon bındə vənəşə, Yaman bə təşviş dəşə! Lalə bə di dəqıniǝ, Qavər bəti peqıniǝ?! Bəs kıve dizəbıni? Xımbu be ǝyǝbıni. Bandə kəmon vəcələ, Bışi bıçın i vǝlə! Bǝ con omǝ alǝfon; Punə, marzə, nənofon, Votdən tojǝ sor omǝ, Xosə əvǝsor omǝ! Dokuǝ dı doy bǝ canqe, Şonǝpǝpu bə vanqe. Çukon bə şəv handedən, Bǝ ruj tǝmom qin bedǝn. Parısqıle lonədə, Lonəş qətə bonədə. Kəş oşəndən kırınqon, Doy bəşədə əlenqon. Tǝtur, verdı, bibkinə, Şor, qopisə, səsinə; Votdən tojǝ sor omǝ, Xosə əvǝsor omǝ! Tojǝş oğǝndə voşi, Zanqış eğandə həşi. Si bən alǝfon rǝğon, Viriski jeydə şeğon. Doy tojǝ vardǝ zizə; Xəyli emǝ, erizə. Bılbılon cǝh-cǝh jeydən, Bǝyǝndı mijdə doydən! Məsti-xumarin vılon, Oşəndən ıştə xolon; Votdən tojǝ sor omǝ, Xosə əvǝsor omǝ!